ஒளிந்துப் பிடித்து விளையாடுதல்
ஊரடங்கு சாலையில்
ஒளிந்துப் பிடித்து விளையாடலாம்
என்கிறான்
காவலர்கள் வந்தாலும்
கண்டுபிடிக்க முடியாது என்கிறான்
கொரோனா கண்டுபிடித்து விட்டால்
என்ன செய்வாய் என்றேன்
பதிலில்லை
*****
பெரியவனும் சின்னவனும்
கொரோனாவால்
பள்ளிக்கூடம் இல்லையே
சந்தோஷந்தானா என்றால்
என்ன பெரிய சந்தோஷம்
தினந்தோறும்
மெக்கானிக் கடைக்கு
வேலைக்கு அனுப்புகிற
அப்பாவுக்குத்தான் சந்தோஷம்
வேலைக்குப் போகாமலே
குவார்ட்டருக்குக்
காசு தேறி விடுகிறது என்கின்றனர்
பெரியவனும் சின்னவனும்
*****
மாவிளக்கு
மாரியம்மனுக்கு
மாவிளக்குப் போட்டால்
எல்லாம் சரியாகி விடும் என்பாள்
பெரியாயி
ஊரடங்கில் பூட்டிக் கிடக்கிறது
மாரியம்மன் கோயில்
*****
No comments:
Post a Comment