பல வண்ண முகக்கவசங்கள்
நிறைய முகக்கவசங்கள் வாங்கலாம்
பல வண்ணங்களில் வாங்கும் அவை
ஆடைகளின் நிறங்களோடு பொருந்துவதற்கானவை
*****
கடன்படுதல்
படிப்பைப் பற்றி
இரண்டு நண்பர்கள்
பேசிக் கொண்டதிலிருந்து அறிய வந்தது
நன்றாகப் படித்தால்
கல்விக்கடன் வாங்கிக் கொள்ளலாம்
சுமாராகப் படித்தால்
சிரமங்களில் சிக்கிக் கொள்ளாமலிருக்கலாம்
*****
இது ஒரு கொரோனா காலம்
இன்னும் சிலிண்டர் டெலிவர் ஆகவில்லை
என்ற வருத்தம் எதிர்வீட்டுக்காரருக்கு
என் வீட்டில் உள்ளதை
எடுத்துக் கொள்ளுங்கள் என்றதற்கு
இண்டேன் சிலிண்டரை வைத்துக் கொண்டு
என்ன செய்வது
எனக்கு வேண்டியது ஆக்சிஜன் சிலிண்டர் என்கிறார்
வதங்கிப் போன குரலில்
*****
No comments:
Post a Comment