தரிசனம் முடிந்து விட்டது
அத்தனைப்
பொருட்களையும்
வாங்கிக் கேட்கும் குழந்தைக்கு
எதையும் வாங்கித் தராத இயலாமையில்
கோவிலை விட்டு வெளியேறுகிறார்
கடவுள்
தரிசனம் வேண்டி உள்ளே சென்று
வெளியேறி விட்டக் கடவுளைக்
கண்டு விட்டத் திருப்தியோடு
திரும்பும் வழியில்
எந்தப் பொருள் எடுத்தாலும்
இரண்டு ரூபாய்க் கடையில்
தான் விரும்பிய பொருள் ஒன்றை
எடுத்துக் கொள்கிறது குழந்தை
செய்தியறிந்து கோவிலுக்குத் திரும்புகிறார் கடவுள்
தரிசனம் முடிந்து வீடு திரும்பிக்
கொண்டிருக்கிறோம் நாம்
*****
No comments:
Post a Comment