தம்பி எஸ்ஸ்ஸ்கேப்ப்ப்!

புத்தாண்டுக்கு கேக் வெட்டிக் கொண்டாடுவது பற்றி என்ன நினைக்கிறீங்கண்ணே? என்றார் அன்புத் தம்பிகளுள் ஒருவர்.

நினைப்பதற்கு என்ன இருக்கிறது தம்பி! தன் பிறந்த நாளுக்கு அரிவாளால் கேக் வெட்டிக் கொண்டினாரே ரெளடி ஒருவர். அவரை ஞாபம் இருக்கிறதா தம்பி! என்றேன்.

பீதியைக் கிளப்பாதீங்கண்ணே! என்றார் அந்த அன்புத் தம்பி.

சர்க்கார் பட வெற்றியைக் கூட கேக் வெட்டிக் கொண்டாடினார்களே தம்பி! என்றேன்.

புத்தாண்டுக்கு கேக் வெட்டுவோமா வேண்டாமா? அதை மட்டும் சொல்லுங்கண்ணே! என்றார் கடைசியாக.

வெட்டுவோம் தம்பி! அப்படியே அந்த இரவில் ஒரு புத்தக வாசிப்புக்கும் ஏற்பாடு செய்தால் எப்படி இருக்கும்! என்று நான் கேட்டதுதான் தாமதம். தம்பி எஸ்ஸ்ஸ்கேப்ப்ப்!

*****