'இடைத்தேர்தலில் வெற்றி பெற சுலபமான வழிகள்'

தவறு என்றால் திருத்திக் கொள்வேன். ஆனால் பாருங்கள், எது தவறு என்று புரிந்து கொள்ளும் அறிவு எனக்குக் கிடையாது.

*****

டிராக்டரில் இன்னோவா அல்லது ஸ்கார்பியோ ஸ்பீடுக்குப் போக முடியுமா என்பதை அறிய நீங்கள் கிராமத்தில் இருக்க வேண்டும்.

*****

'இடைத்தேர்தலில் வெற்றி பெற சுலபமான வழிகள்' என்ற தலைப்பில் நூல் எழுதலாம் என்றிருக்கிறேன். பிரதி வேண்டுவோர் முன்பணம் ரூ.2000/- (ஒரே நோட்டாக) அனுப்புக.

*****

தேர்தலில் வெற்றி பெற அழகிகளுக்குப் பணம் கொடுத்திருக்கிறார் டிரம்ப் என்ற செய்தி கேள்விபட்டேன். இந்த விசயத்தில் நம்மூர் அரசியல்வாதிகள்தான் பெஸ்ட். அழகிகள், அழகு இல்லாதவர்கள் என்று பேதம் பார்க்காமல் அனைருக்கும் பணம் கொடுக்கிறார்கள்.

*****

கர்நாடகத்தில் புதிது புதிதாக அணைகளைக் கட்டுகிறார்கள். தமிழகத்தில் இருக்கின்ற அணைகளை டிசைன் டிசைனாக உடைந்துப் போகச் செய்கிறார்கள்.

*****