கருணையற்ற கருணை

கருணையற்ற கருணை

பீரங்கிகளைப் பார்த்தால்

துப்பாக்கிகள் கருணையானவை என்பீர்கள்

அணுகுண்டுகளைப் பார்த்தால்

பீரங்கிகள் கருணையானவை என்பீர்கள்

ஒரு விலங்கு போல் அடித்துச் சாப்பிடுவதை விட

ஒன்றுக்கு மேல் ஒன்றாய்

கருணையற்ற ஒன்றைப் பிரசவித்து

முன்பிருந்ததே கருணை எனக் காட்டி

அச்சுறுத்துவது கருணையற்ற கருணைக் கொலை

துப்பாக்கிகள் சுடவில்லைதான்

பீரங்கிகள் வெடிக்கவில்லைதான்

அணுகுண்டுகள் எதுவும் செய்யவில்லைதான்

தினம் தினம் மனிதர்கள் சாகிறார்கள்

வெறுமனே சாகிறார்கள் என்பதல்லாமல்

செத்துச் செத்துக் சாகிறார்கள் என்பது புரியுமா

அவைகள் எதுவுமில்லாமல்

அவைகளின் அச்சம் சுமந்து!

*****