எனக்குச் சில இல்லைகள்!

எனக்குச் சில இல்லைகள்!

சுடுவதற்கு முன்

வெடித்து விடும்

நீர்க்குமிழிகளை வைத்து

உங்களைப் பரிகாசம் செய்வதைத் தவிர

எனக்கு வேறு வேலையில்லை

பிடிக்கும் முன்

பறந்து விடும்

பட்டாம் பூச்சிகளை வைத்து

உங்கள் திறமையைக் கேலி செய்வதைத் தவிர

எனக்கு வேறு தொழில்லை

காண்பதற்கு முன

மறைந்து விடும்

மின்னலை வைத்து

உங்கள் கனவுகளைக் கலைப்பதைத் தவிர

எனக்கு வேறு கடமையில்லை

பிரியம் என்ற ஒற்றைச் சொல்லில்

உங்கள் கத்திகளையும், கபடாக்களையும்,

துப்பாக்கிகளையும் சுருட்டித் தந்தால்

உங்களை விட்டு விடுவதைத் தவிர

அதன் பின் எனக்கு வேறு வழியில்லை.

*****