சத் பொத் டெத்.

கல்யாணந்தான் கட்டிகிட்டு ஓடிப் போலாமா? ஓடிப் போய் கல்யாணந்தான் கட்டிக்கலாமா? என்னைக் கேட்டுக் கொண்டா எல்லாம் செய்கிறாய்?

*****

சீயான் விக்ரமின் கந்தசாமி பார்த்தீர்களா? தமிழில் இப்படியெல்லாமா படம் எடுக்கிறார்கள். அதைத் தொடர்ந்து பத்து எண்ணுறதுக்குள்ள, ஸ்கெட்ச் பார்த்தேன். திகிலாகத்தான் இருக்கிறது.

*****

மியூட் செய்து தமிழ்ப் படம் பார்க்க தனி தைரியம் வேண்டும்.

*****

தமிழ்ப் பட ஹீரோவைச் சாகடிக்க வில்லன் எதற்கு? இசையைப் பிடுங்கி விட்டால்... ஆள் சத் பொத் டெத்.

*****

தமிழ்ப் பட ஹீரோ ஒரே அடியில் எப்படியோ பத்து பேரை பறக்க விடுகிறார். பறக்கும் பத்து பேருக்கும் சிறகுகள் இருக்க வேண்டும். அடுத்த முறை கூர்ந்து கவனிக்க வேண்டும்.

*****