வார்த்தைக் குறிப்பு

வார்த்தைக் குறிப்பு

வண்ணத்துப் பூச்சியைப் பிடிக்கப் போன

குழந்தை

வண்ணத்துப் பூச்சியாக திரும்பி வந்தது

பிடிக்க முடியாத குறும்புகளோடு

கானகமான வீட்டில் பறக்கும் அதை

பார்க்க பார்க்க

வண்ணத்துப் பூச்சியானவர்கள்

வண்ணத்துப் பூச்சியைப் பார்ப்பவர்கள்

வண்ணத்துப் பூச்சியாகிறார்கள் என்ற

எச்சரிக்கை வாசகத்தை எழுதி வைத்தனர்

வண்ணத்துப் பூச்சியைப் பார்ப்பதைத்

தவிர்ப்பது நல்லது என

முடிவெடுத்துக் கொண்டனர்

தங்கள் குழந்தைகளோடு

அவ்வாசகத்தைக் கடக்க முயன்ற மனிதர்கள்

*****