விடுபட்டவரின் வார்த்தைகள்

இந்த வார்த்தைகள்

உங்களை விடுவித்து விட்டால்

அதற்கு யாரும் பொறுப்பு கிடையாது

விடுபடுவது அவரவர் விருப்பம்

வார்த்தைகள் சாவியைத் தருகின்றது

பூட்டுகள் உங்களிடம் இருக்கின்றன

திறந்து விடுபடுவதும்

விடுபடாமல் இருப்பதும்

அவரவர் பிரச்சனை

திறந்த பூட்டுகளைத் தூக்கி எறிவதைத் தவிர

வேறு என்ன வழி இருக்க முடியும்

பூட்டுகள் அவரவர் வசமே இருக்க வேண்டும் என்றால்

திறக்காதீர்கள்

விடுபட்ட பின் அங்கே எதுவுமில்லை

பூட்டுகளோடு இருக்கும் போதோ

அவரவர்க்கென்று ஒரு சிறை இருக்கிறது

விடுபட்டவரின் வார்த்தைகளை

எப்போதும் கவனமாகப் பரிசீலியுங்கள்

*****

நன்றி -ஆனந்த விகடன் -இதழ் 30.05.2018 -பக்கம் 38

*****