வார்த்தைகளென சுருங்கும் வாழ்க்கை

வார்த்தைகளென சுருங்கும் வாழ்க்கை

உன்னைப் பார்த்த போது பிடித்துப் போனது

ஏதோ தோன்ற

எழுதிக் கொண்டே இருந்தேன்

உன்னைப் பிடிக்காமல் போனதும்

ஏதேதோ தோன்ற

எழுதிக் கொண்டே இருந்தேன்

எப்படியாகினும் எழுதித் தள்ளுவேன்

எனும் போது

உன்னைப் பார்ப்பதும் ஒன்றே

பார்க்காமல் போவதும் ஒன்றே

எழுத்தின் வழி நான் உரையாடிக் கொண்டிருக்கிறேன்

பிடித்தல் ஒரு வார்த்தை

பிடிக்காதது ஒரு வார்த்தை

அதை நீ புலம்புவாய்

நான் எழுதுவேன்

சிலர் உரையாடலாம், விவாதிக்கலாம்

வார்த்தைகள் வளர்ந்து கொண்டே இருக்கும்

வாழ்க்கை அதற்குள் சுருங்கிக் கிடக்கும்

*****