மழைச்சூடு

மழைச்சூடு

மரணத்தைக் கொண்டாடும்

திருப்தி

மேகத்திலிருந்து குதிக்கும்

மழைத்துளிக்கு.

பத்து மாடிக் கட்டிடடத்திலிருந்து

குதிக்கும் ஒருவனை

வேடிக்கைப் பார்க்கும் கூட்டம்

மழைத்துளிக்கு விலகி ஓடும்.

ஏதேச்சையாய்

விழுந்து விடும்

ஒரு மழைத்துளி

தன் அத்தனை சந்தோசத்தையும்

குளிர்ச்சியை

ஆணி அடித்து உள்ளிறக்கிக்

கொண்டிருக்கும்.

முற்றிலும் நனைந்துப் பார்த்தால்

மழையில் ஒளிந்திருக்கும்

வெயிலின் சூடு

ஜூரமாய்த் தகித்துக்

கொண்டிருக்கும்

மழையும் வெயிலும்

வேறல்ல என்பதை

உணர்த்தியபடி.

*****