பிரார்த்தனை

பிரார்த்தனை

பத்திரமாய் பள்ளியிலிருந்து

திரும்பிய மகன்

நாளை கடத்தப்படலாம்.

அதற்காக கடத்தல்காரர்களிடம்

பேரம் பேச முடியுமா?

போலீஸ்காரர்களிடம் சொல்லித்தான்

சிரமம் கொடுக்க முடியுமா?

இதையெல்லாம் பார்த்து

நாளை என் மகன்

ஒரு கடத்தல்காரனாக மாறி விடாமல்

இருக்க வேண்டும் என்று

பிரார்த்திக்கத்தான் நம்மால் ஆகும்.

*****

பாடம்

நல்லா படிச்சாத்தான்

வேலைக்குப் போகலாம்

கை நிறைய பணம் சம்பாதிக்கலாம் என்றால்

அதற்குத்தான் பக்கத்து வீட்டுப் பையன் இருக்கான்

கடத்திவிட்டு கேட்டப் பணத்தைக் கறக்கலாம்

என்கிறான்

தினம் தினம் உன்னிப்பாகச்

செய்திகள் பார்க்கும் மகன்.

*****