சிலிண்டர் காற்று
"மூச்சடைக்கிறது
கொஞ்சம் காற்று கொடேன்!"
என்றேன்.
கொஞ்சமும் இரக்கம் இல்லாமல்
அந்தப் பெட்டிக் கடையில்
அரை கிலோ சிலிண்டரில்
வாங்கிய
ஆக்ஸிஜனை
தான் மட்டும் சுவாசித்துக்
கொண்டு
சென்று கொண்டிருந்தார்
அந்தப் பெரியவர்
தவித்த வாய்க்குத்
தண்ணீர் கொடுக்காத
தன் மருமகளைத் திட்டியபடி!
*****
பிராயச்சித்தம்
குளத்தின் மேல் கட்டிய
வீட்டிற்குப் பிராயச்சித்தமாய்
கண்ணாடித் தொட்டியில்
நீந்திக் கொண்டிருக்கின்றன
மீன்கள்!
*****
No comments:
Post a Comment