மண்ணின் மரன்

மண்ணின் மரன்

நம் மண்ணுக்கு என்று சில உணவு வகைகள் இருக்கின்றன.

நம் மண்ணுக்கு என்று சில உடை வகைகள் இருக்கின்றன.

நம் மண்ணுக்கு என்று சில வீடு வகைகள் இருக்கின்றன.

நம் மண்ணுக்கு என்று சில வாழ்க்கை முறைகள் இருக்கின்றன.

இவைகளோடு வாழ்வது எளிது. இனிது. சிக்கனமானது. பாதுகாப்பானது.

கலாச்சாரத் தொடர்புகளால் உணவில், உடையில், வீட்டு அமைப்பில், வாழ்க்கை முறையில் ஏற்படும் மாறுதல் நல்ல பரிமாற்ற முயற்சி.

வணிகத்தின் அடிப்படையில் திட்டமிட்டு செய்யும் பரிமாற்ற முயற்சி ஆபத்தானது. ஒரு கலாச்சாரத்தை மட்டம் தட்டி, இன்னொரு காலச்சாரத்தைத் தூக்கிப் பிடிப்பது அராஜகமானது.

நம் மண்ணில் வெளிநாட்டு விதைகள் விதைக்கப்படுவது இப்படித்தான்.

நம் மண்ணில் வெளிநாட்டு உணவு வகைகள் விற்கப்படுவது இப்படித்தான்.

நம் மண்ணில் வெளிநாட்டு வாழ்க்கை முறைகள் தூண்டப்படுவது இப்படித்தான்.

நம் மண்ணில் வெளிநாட்டு மரங்கள் வளர்க்கப்படுவதும் இப்படித்தான். எந்த மண்ணில் எந்த மரங்கள் வைத்தால் என்ன என்று கேட்கிறீர்களா? ஒரு புயலில் ஒட்டுமொத்தமாக மரங்கள் வீழ்ந்து விடும் போது அது குறித்து கொஞ்சம் யோசிக்கத்தான் வேண்டியிருக்கிறது.

அந்தந்த நிலத்திற்கேற்ற மரங்கள் அந்தந்த மண்ணில் இருந்தால் அது இயற்கை மட்டுமல்ல, வலிமையும் கூட அல்லவா!

*****