சாதிகள்
சமத்துவத்தை விரும்பும்
தலைவர் வீட்டில்
உயர்சாதி நாய்கள்!
*****
ஹம்மிங்
அந்தப் பாடலை உருவாக்கிய
இசை மேதை
மனநலக் காப்பகத்தில்
சிகிச்சை பெற்றுக் கொண்டு இருக்கிறார்
ஆச்சர்யமாகத்தான் இருக்கிறது
அந்த பாடலை
ஹம்மிங் செய்யும் போது
விலகிப் போகும்
மனஇறுக்கம்.
*****
குப்பை
குப்பைகளை உருவாக்குவார்கள்
பின் பெயரிடுவார்கள்
அவைகளை மட்க வைக்கும்
வேலை மட்டும் மனிதனுக்கு.
மக்காமல் போகின்றவைகளைப் பற்றி
கவலை ஏதுமின்றி
விழிப்புணர்வு பிரச்சாரம் செய்வார்கள்
முடிந்தவரை
மனிதன் போன்ற
குப்பைகளை
மட்க வைக்கப் பார்க்கும் மண் மேல்
பிறந்து கொண்டே இருப்பார்கள்
மனிதர்கள்!
*****
No comments:
Post a Comment