சார்கள் இருந்த காலம்

சார்கள் இருந்த காலம்

இந்தப் பிள்ளைகள் நிறைய கேள்வி கேட்கிறார்கள்

டைனசோரைப் பார்த்திருக்கிறாயா

நிலவில் பாட்டி நூடுல்ஸ் செய்வாளா

இந்தப் பர்த்டேவுக்காகவாவது காஸ்ட்லி கிப்ட் உண்டா

நீ படித்த போது மிஸ்கள் இருந்தார்களா

ஹோம் ஒர்க்குகள் இருந்ததா

கணக்கில் சென்டம் அடித்தாயா

கேர்ள் பிரெண்ட் பாய் பிரெண்ட் எத்தனை

படிக்காமல் பரீட்சை எழுத முடியாதா

கவர்மெண்ட ஸ்கூலில் படிக்கக் கூடாதா

இப்படி எத்தனை கேள்விகள்

நான் ஒரு கேள்வியாவது கேட்க முடிகிறதா

எத்தனை மிஸ்கள் உங்கள் பள்ளியில் என்றால்

அம்மாவிடம் சொல்லி விடுவேன் என்கிறதுகள்

நாங்கள் படித்த போது சார்கள்தான் இருந்தார்கள்

என்ற ஏக்கத்தை யாரிடம் சொல்வேன்

*****