கால வெளியில் இயங்கிக் கொண்டிருப்பவை

கால வெளியில் இயங்கிக் கொண்டிருப்பவை

ஒன்று மாற்றி ஒன்று நிகழ்கிறது

நடக்காது என்று எதுவும் இல்லை

முடியாது என்பதும் எதுவும் இல்லை

இறுகிப் போய் விடும் எண்ணங்களை

இளக்கு விடுவதே காலத்தின் வேலை

செய்ய செய்ய ஏதோ ஒன்று

நிகழ்ந்து கொண்டிருக்கிறது

அசையாமல் இருப்பவர்கள்

பூமி நின்று விட்டது என்று கூறலாம்

ஓடுவது நின்றால் சவமாகி விடுவது நிச்சயம்

சுழல்வது நின்றால் தூக்கி எறியப்படுவது நிச்சயம்

கவனிப்பதை விசாலப்படுத்தினால்

எல்லாம் ஏதோ ஒரு விதத்தில்

இயங்கிக் கொண்டிருப்பது அறிய வரலாம்

நின்றபடி இருக்கும் கல்வெட்டுகள்

காலவெளிகளில் பயணித்துக் கொண்டிருக்கின்றன

புதையுண்டு விட்ட அணுக்கள்

உரமாகி முளைத்து எழுகின்றன

கண்களுக்குப் புலப்படா விட்டாலும்

உலகம் சுழன்று கொண்டிருக்கிறது

*****