மறத்தலின் நம்பிக்கை
சாவியை
மறந்து விட்டு வந்த
தையல்
கடை நைனியப்பன்
திரும்ப
எடுக்கச் சென்றிருக்கிறார்
சொன்னபடி
மறக்காமல்
தைத்து
வைத்திருப்பார் என்ற நம்பிக்கை
பூட்டியகடை
முன் நிற்கும்
*****
புயலின்
வரைபடம்
வரைபடம் போட்டது போலிருக்கிறது
புயலின் கோர தாண்டவம்
வரைபடத்தைக் கிழித்த வரைபடம்
அதன் வேகம்
பிடிக்க முடியாத வேகத்தில்
வரைபடம் பறந்து கொண்டிருக்கிறது
சேதத்தைத் துல்லியமாகக் காட்டும்
வேறொரு வரைபடம் வரையப்பட்டு
இருக்கிறது
பறந்து விட்ட வரைபடமும்
வரையப்பட்ட வரைபடமும்
வேறு வேறு என்று யாருக்குத்
தெரியும்
*****
No comments:
Post a Comment