சூட்சமங்கள்

வாழ்வு

விருப்பம் போல் இருப்பதுதான் வாழ்வு

அடுத்த கணம் பற்றி

சத்தியமாகத் தெரியாது

அதனாலென்ன

விருப்பம் போல் இருப்பதுதான் வாழ்வு

*****

கொஞ்சம் அதிகம்

உதைபடும் பந்துக்கு

கைதட்டல்

அதிகம்

திசை தெரிந்தோடியும் பிரயோஜனம் உண்டா?

அடிப்பவனுக்கு வேண்டும் அக்கறை

எட்டுத் திக்கும் ஓடும் பந்து

*****

சூட்சமங்கள்

மேலதிகமாக எனக்குத் தெரியவில்லை

அதற்காக வெட்கப்படச் சொல்கிறாய்

உனக்காக வெட்கப்படுகிறேன்

தெரிந்து வைத்திருப்பதால்

புரிந்து விடுபவைகளல்ல சூட்சமங்கள்

*****