கத்தி ஏந்தி நிற்கும் மனதாள்பவன்

கத்தி ஏந்தி நிற்கும் மனதாள்பவன்

தன்னைப் புகழ் பாடுவதை

விரும்பும் ஒருவன்

சின்ன ஐயத்தை அயோக்கியத்தனம் என்கிறான்

உன்னைப் போல் நூறு பேரைப் பார்த்திருப்பேன்

என்று வழியும் அவன் வார்த்தையில்

எதிரில் நிற்பவனைக் கொன்று போடும்

வன்மம் நிறைகிறது

சற்றே ஆசுவாசப்படுத்திக் கொண்டு

தொடர வாய்ப்பு கொடுப்பதில்லை

மனதைக் கூர் தீட்டி

கத்தியாய் கழுத்தின் முன் நீட்டும் அவன்

இம்முறையும் தோல்வியோடுதான்

திரும்ப நேரிடுகிறது

பொறுமையாக அவனை

எதிர்கொண்ட வெற்றியோடு.

*****
*****
*****
*****
*****

மிடில் ஸ்கூலுக்கும், ஹை ஸ்கூலுக்கும் என்ன வித்தியாசம்? தரையில் உட்கார வைத்தால் மிடில் ஸ்கூல், பெஞ்சில் உட்கார வைத்தால் ஹை ஸ்கூல்.

*****

பதிலைத் தெரிந்து வைத்துக் கொண்டு கேள்வி கேட்கிறார்கள்.

*****

ஒரு கூறைத்தான் பார்க்கிறீர்கள். வேறு கூறும் இருக்கிறது. குந்தாங்கூறு.

*****

உணர்வுக்கா? அறிவுக்கா? எதற்கு முதலிடம் கொடுப்பது என்றான் நண்பன். இரண்டுக்கும் நீட் தேர்வு வை. எது பர்ஸ்ட் ரேங்க் வருகிறது என பார்த்து விடுவோம்.

*****

டிரம்பும், கிம்மும் பேசுகிறார்கள். என்ன செய்வது? பக்கத்துவீட்டுக்காரன் பேச மாட்டேன்கிறான்.

*****

சொன்னதைக் கேட்கலேன்னா அடிச்சே கொன்னுபுடுவேன். பேசிக் கொண்டிருப்பது இரண்டு குழந்தைகள். எல்.கே.ஜி.யோ, யு.கே.ஜி.யோ படிக்கிறார்களாம். அவர்கள் பி.இ., எம்.பி.பி.எஸ். படிக்கும் போது எப்படிப் பேசிக் கொள்வார்களோ?!

*****