அழுக்காக்கும் பொழுதுபோக்கு!
கூவம் இப்படி ஆகும் என்று
அவர்களுக்குத் தெரியும்
என்றார்கள்!
அவர்களுக்கென்ன?
அவர்கள் விவசாயம் செய்யப்
போவதில்லை
தின்று தின்று பிதுக்கத்தான்
போகிறார்கள்
அவர்களின் தாகம் தீர்க்க
தண்ணீர் ரயிலிலும் வரும்,
கப்பலிலும் வரும்!
மாசுபடும் நீரை சுத்தமாக்கிக்
கொள்வார்கள்!
குண்டி கழுவும் நீரும்
சுத்தகரிக்கப்பட்டால்
குடிநீராகி விடும்!
நாம்தான் நதிகளைப் பாதுகாக்க
வேண்டும்
நல்ல நீரில் விவசாயம்
செய்து
நல்ல நெல்லை அவர்களுக்கு
அளிக்க வேண்டும்!
நல்லது என்பது அவர்களுக்குப்
புரியாது என்பதால்
நாம் அவர்களிடம் அது குறித்துப்
பேச வேண்டாம்!
சுத்தகரித்து சுத்தகரித்து
அழுக்காக்குவது
அவர்களுக்கு அலாதியான
பொழுதுபோக்கு!
******
No comments:
Post a Comment