காட்சி நிச்சயம்

காட்சி நிச்சயம்

அந்தப் பார்வையில் ஒரு குரூரம் இருக்கிறது

அவர்கள் நம்பிக்கையோடு பார்க்க மாட்டார்கள்

சட்டைப் பையில் இருப்பதை கவனிப்பார்கள்

கொஞ்சம் அசந்தால் தூக்கி எறிந்து விடுவார்கள்

வேகமாகச் சென்றாக வேண்டிய பாதையில்

மெதுவாகச் செல்ல முடியாது

கருணை காட்ட முடியாது

இயந்திரம் போல் சென்று கொண்டிருப்பதாகத் தோன்றும்

ஆனால், அது அப்படியில்லை என்றால்

ஒரு ரோபோட் வந்து

உங்களைக் கொன்று போடும்

துரதிர்ஷ்டவசமாக நீங்கள் பிறந்து விட்டீர்கள்

நீங்கள் வாழ வைக்கப்படுவீர்கள்

அது உங்கள் தலையெழுத்து

நொந்து கொண்டு வாழ்வதைத் தவிர வேறு வழியில்லை

என்றெண்ணி இருந்து விடாதீர்கள்

உன்னிப்பாகப் பாருங்கள்

உங்கள் பயணத்தில் உங்களைப் பார்த்து

ஒரு குழந்தை கையசைக்கும் காட்சி நிச்சயம் இருக்கும்.

*****