சித்தப்பா விவசாயம் பார்த்த காதை

நிலைமாற்றம்

வெந்நீரைப் போல

முறைத்து முறைத்துப் பார்த்துக் கொண்டிருந்த

குழந்தை

பனிக்கட்டிப் போல

அன்பாகி கசிந்து உருகுகிறது

ஒரு சாக்லேட்டைப் பெற்றுக் கொண்ட பின்.

*****

சித்தப்பா விவசாயம் பார்த்த காதை

"நம்ம வயல் வழியாதாம்

ஹைவேஸ் போகப் போகுதாம்ல!" என்பார்

இருந்த நிலங்களையெல்லாம் குடித்தழித்து,

மிச்ச மீதியிருந்த நிலங்களையும்

கட்டிய கோவணத்தோடு

குளித்துக் கொண்டிருந்த போது

ஓ.என்.ஜி.சி.யில் கேட்டார்கள் என்று

அவிழ்த்துக் கொடுத்த சித்தப்பா.

*****