உயிரின் பயணம்

உயிரின் பயணம்

பத்தாவது மாடியிலிருந்து விழுந்தவனுக்கு

ஆறாவது மாடியைக்

கடக்கும் போது

எப்படியும் காப்பாற்றி விடுவார்கள் என

நம்பிக்கை இருந்தது.

மூன்றாவது மாடியைக்

கடந்த போது

பிழைத்துக் கொள்ளலாம் என்று

நம்பிக்கைப் பிறந்தது.

இரண்டாவது மாடியைக்

கடந்த போது

பயப்படாதே என்று சொல்லி

பயம் கொண்டது மனது.

தரையை அடைந்து

உடல் சிதறிய போது

வாழணும் என்ற ஆசை பிறக்க

பிரிந்துப் போனது உயிர்.

*****