முளை விடா விதைகள்
விதைகளை விழுங்கினால்
வயிற்றுக்குள் முளைக்கும்
என்கிறார்கள்
எவ்வளவோ விதைகளை விழுங்கியாயிற்று
வயிற்றில் முளைத்ததெல்லாம்
பசி
விழுங்கிய ஒரு விதையாவது
வயிற்றுக்குள் மரமாகி இருந்தால்
பசிக்கும் போதெல்லாம் பழம்
தந்திருக்கும்
மலட்டு விதைகளைக் கண்டுபிடிப்பதை
விட்டு விட்டு
வயிற்றுக்குள் முளை விடும்
விதைகளை
இனியாவது கண்டுபிடிக்க வேண்டும்
வயிறாரச் சோறிட வேண்டும்
என்ற நெருக்கடி
யாருக்கும் இருக்க வேண்டாம்
*****
No comments:
Post a Comment