பிரபல்யத்திற்குப் போட்டிகள் வேண்டும்

பிரபல்யத்திற்குப் போட்டிகள் வேண்டும்

போட்டிகளை எதிர்கொண்டு

புளித்து விட்டது

சவால்களை ஏற்று

சலித்து விட்டது

இதில் ரைமிங் பார்க்காதே

தவறி விடுவாய்

ஸ்லோ ரேஸ் ரொம்பப் பிடித்தம்

நீ சவால் விடாதே

போட்டியிடாதே

தோற்று விடுவாய்

மெல்ல ஓடுவது எளிதல்ல

இதற்குப் பயிற்சி செய்யாதே

எடுத்தப் பயிற்சிகளை வாந்தியெடுக்க வேண்டும்

அதனால்தான் சொல்கிறேன்

நீ பழகி விட்டாய்

கற்றுக் கொள்ளாமல் இருப்பது சாத்தியமில்லை

பழக்கத்தை விட முடியாது

பழக்கம் பிடிக்காது எனக்கு

துப்பி விடுவேன்

துப்ப முடியுமா உன்னால்

எச்சில் சேதாரமாகி விடும் என்று நினைப்பவனே.

*****