மண் தின்ன முடியாத தாய்!

மண் தின்ன முடியாத தாய்!

யாம் ஏன்

உன்னில் விதை விதைத்து

பயிர் வளர்த்து அறுவடை செய்து

கலத்தில் இட்டு எரியூட்டி

சமைத்துத் தின்ன வேண்டும் என்று

உன்னையேத் தின்றவள் எம் தாய் அல்லவா

எம் தாய் மண்ணே தலை வணக்கம்!

நீ ஆறு மணலற்றுப் போக

கல்லாகி மண்ணாகும் மலையறுந்துப் போக

கடல் கழிமுக மணலற்றுப் போக

வருங்காலத்தில் எதைத் தின்பாள் எம் தாய்?

கல் தோன்றி மண் தோன்றா காலத்து

முன் தோன்றிய மூத்தக் குடியை

நிரூபிப்பததாய் மண்ணற்ற தேசத்தில்

நின்று கொண்டிருக்கும் எம் தாய்க்கு

எட்டு பில்லியன் செலவில்

வாங்கி வந்திருக்கும்

செவ்வாய் கிரக மண்ணைத்

தின்னக் கொடுங்கள் பசியாறட்டும்!

அதன் பின் மண் வாரித் தூற்றக் கூட

மண்ணில்லாத மண்ணற்ற தேசத்தில்

மண்ணோடு மண்ணாகிப் போக

முடியாத விரக்தியில்

பெருங்குரலெடுத்து அழுவாள்

அவளை விட்டு விடுங்கள்!

*****