அணித் தலைவன்

அணித் தலைவன்

            கட்சியின் இளைஞரணிப் பொறுப்பு கொடுக்கப்பட்ட கதிரேசன், "கட்சியோட ஸ்லீப்பர் செல் அணித் தலைவர் பொறுப்பு காலியாத்தானே இருக்கு! அதைக் கொடுங்க!" என்று கேட்டார்.

*****

போலி

            "போலிகளைக் கண்டு ஏமாறாதீர்கள்!" என்று பிரச்சாரம் செய்து கொண்டு சென்ற வாகனம் ஒரிஜினல் லைசென்ஸ் இல்லாமல் மாட்டிக் கொண்டது.

*****

இன்னும் ரெண்டு நாள்

            "இன்னும் வேலை நிறுத்தம் ரெண்டு நாளைக்கு நீடிச்சிருந்தா வீட்டு வேலைகளையெல்லாம் முடிச்சிருப்பேன்!" வேலை நிறுத்தம் வாபஸ் என்ற செய்திக் கேட்ட விமலா சலித்துக் கொண்டாள்.

*****

களமாடல்

            "போராடாமல் இருப்பவர்களை விட போராடித் தோற்பவர்கள் வெற்றியாளர்களே! போராட்டத்தைக் கொச்சைப்படுத்த சோம்பேறிகளால்தான் முடியும்!" தங்கள் தொழிற்சங்க ஒருங்கிணைப்பாளர் பேசிய பேச்சை டி.வி.யில் கேட்டு வீட்டிலிருந்து கை தட்டினார் போராட்டக் களத்திற்குச் செல்லாத நாகு.

*****