கனவுகளின் பறத்தல்
கனவுகள் எப்படியும் பறக்கும்
பட்டங்களாய்
பலூன்களாய்
வண்ணத்துப் பூச்சிகளாய்!
*****
வீடுகளின் கதைகள்
பெயர் தாங்கி நிற்கும்
வீடுகளின் கீழ்தளம்
உரிமையாளர்களுக்கானது
மேல்தளம்
வாடகைக்கானது.
பெயரில்லாத வீடுகள்
பெரும்பாலும் வாடகை வீடுகள்.
பூட்டிக் கிடக்கும் வீடுகளோ
உரிமையாளர்களுமின்றி
வாடகைக்காரர்களுமின்றி
ஒரு குருவியோ
வண்ணத்துப்பூச்சியோ
அமர்ந்து விட்டுப் போகும் போது
அர்த்தப்பட்டுப் போகும்
தனிமையை
மொழிபெயர்க்கும் கதைகளுக்கானது!
*****
No comments:
Post a Comment