நம்பிக்கை இழக்காதீர்கள்
இன்று போய் நாளை வா
சோறும் குழம்பும் எதுவும்
மீதமாகவில்லை
பிச்சைக்காரரே
இன்று போய் நாளை வாருங்கள்
நாளை ஒரு வேளை மீதமாகா விட்டால்
வருத்தம் கொள்ளாமல்
நாளை மறுநாள் வாருங்கள்
நாளை மறுநாள் மீதமாகா விட்டால்
நீங்கள் நினைப்பது சரியே
அப்படியே அதற்கடுத்த நாள்
வாருங்கள்
என்றாவது ஒரு நாள்
மீதமாகாமலா போய் விடும்
உங்களுக்காக ஒரு நாள் மீதமாகட்டும்
ஆண்டவனை வேண்டிக் கொள்கிறேன்
நீங்களும் வேண்டிக் கொள்ளுங்கள்
நல்லதே நடக்கும்
நம்பிக்கையோடு ஒவ்வொரு நாளும்
நம் வீட்டுக்கு வந்து செல்லுங்கள்
*****
No comments:
Post a Comment