நாய் அணங்குறுத்தல்

நாய் அணங்குறுத்தல்

ஓரத்தில் ஒண்ணுக்கடிக்க

விரும்பும் நேரத்தில் புணர

புதியவர் எவரேனும் கண்டால்

தெருமுனை வரை குரைத்துக் கொண்டே

துரத்திச் செல்ல

ஊர் மேய்ந்து தெருவெல்லாம் சுற்றி வர

ஆசை இருக்கத்தான் செய்யும்

என்ன செய்யுமோ

காவலர் கையில் சங்கிலி சகிதம்

நடைபயிற்சி செய்யும் நாய்களும்

நடைபயிற்சி செல்வோர் கையில்

காவல்காரர்களாய் வரும் நாய்களும்

*****

அப்புக்குட்டியின் கேள்வி

கலர் கலர் கோழிக்குஞ்சுகள்

வளர வளர வெளுத்த போது

வானவில் கலைந்தது போலாகி விட்டது

அடுத்த முறை அப்புக்குட்டி

கோழிக்குஞ்சுகளைப் பார்த்த போது

அப்பாவிடம் கேட்டான்

“கலர் கோழிகள் இருக்காதாப்பா?”

*****