ஆயுள் பேறு

ஆயுள் பேறு

எட்டாம் இடத்தில்

இருப்பது என்னவோ

பட்டாம் பூச்சியினும்

ஈசல்களினும் ஆயுள் குறைவு

ஒரு நொடியோ

இரு நோடியோ

சில நோடிகளோ

காற்றும் நீரும்

கலந்து விளையாடும் போது

உருவாகி உருவாகி

உடைந்து உதிரும்

ஆயுட் காப்பீட்டுக்கு உள்ளாகாத

மருத்துவக் காப்பீட்டுக்கு மட்டுப்படாத

நீர்க்குமிழ்கள்

நின்று பார்க்க வைத்துச் சொல்கின்றன

காலம் என்பது கடத்துவதில் இல்லை

ஆயுள் என்பது நீள்வதில் இல்லை

*****