நேர்ந்து விட்ட நேரங்கள்

நேர்ந்து விட்ட நேரங்கள்

கொடுத்த வாக்கைக் காப்பாற்றாமல் போவதில்

அநியாயம் தெரியலாம்

மறுக்க முடியாமல் வாக்கைக் கொடுத்தது

அந்நேரத்து நியாயமாகவும் இருந்திருக்கலாம்

கொடுப்பதெல்லாம் பிடுங்குவதற்கே

இந்த நேரத்தைச் சந்தோசப்படுத்த

இன்னொரு நேரத்தைக் காயம் செய்ய வேண்டியிருக்கிறது

எல்லா நேரத்தையும் எல்லா நேரங்களிலும்

சந்தோசம் செய்ய முடியாது

சில நேரங்களில் சில நேரங்கள்

நேரங்களுக்குள் தர்ம சங்கடங்கள் இருக்கின்றன

நேரங்களுக்குத் துரோகச் சம்பவங்கள் இருக்கின்றன

நேரங்களுக்குள் எல்லாம் இருக்கின்றன

எதிர்பார்ப்பவை மட்டுமா

எதிர்பாராதவையும் கலந்து உறைந்து கிடக்கின்றன நேரங்கள்

அந்தந்த நேரத்தில் நிகழ்பவை

இந்த நேரத்தில் கணிக்க முடியாதவை

நேரத்தில் நேர்வதை எதிர்கொள்வதைத் தவிர

நேரத்துக்கு நேர்ந்து விட்ட மனிதா உனக்கென்ன

வேறு வழி இருக்கிறது

*****