ஒவ்வொரு நாய்க்கும் ஒரு கல்

பிரார்த்தனை

இன்றைக்கு எதுமில்லை

தேடி வந்து நாயே ஓடிப் போ

இன்று போய் நாளை வா

நாளை இல்லையென்றால் மறுநாள் வா

வராமல் இருந்து விடாதே

கைக்கு எது எப்போது கிடைக்கும் என்று

யாருக்கு என்ன தெரியும்

இப்போது ஒரு கல் கிடைத்திருக்கிறது

உன்னை நோக்கித் தூக்கி எறிகிறேன்

அதை எடுத்துக் கொள்வதற்கு மனமில்லாது

பயந்து ஓடுகிறாய்

ஒரு ரொட்டித் துண்டு கிடைக்கும் போது

உன்னைத் தேடி வருகிறேன்

நீ வேறு யாரையும் தேடிப் போகாமல் இருக்க வேண்டும்

என்ற பிரார்த்தனையோடு

*****