நெடுங்கூந்தலின் ரகசியம்

நெடுங்கூந்தலின் ரகசியம்

நீண்ட கூந்தல் கொண்ட பெண்ணிடம் விசாரிக்கிறேன்

முடிக்காக என்ன செய்கிறீர்கள்

என்ன ஷாம்பூவைப் பயன்படுத்துகிறீர்கள்

என்ன எண்ணெய் தேய்க்கிறீர்கள்

நெடுங்கூந்தலுக்கான உணவு ரகசியம் யாது

ஏதேனும் மூலிகைகள் பயன்படுத்துகிறீர்களா

நீண்ட கூந்தலுக்கான ஆலோசனைகளைச் சொல்லுங்கள்

அவர் விக்கித்து நிற்கிறார்

எதுவும் செய்யாமல் நீண்டு நெடிதாக இருக்கும்

கூந்தலுக்கு எந்த நுட்பங்களையும் பயன்படுத்தவில்லை

என்பதை எப்படிச் சொல்வதென்று யோசித்துக் கொண்டிருக்கிறார்

எனக்குத் தெரியவில்லை என்றவர் கேட்கிறார்

காட்டை வளர்க்க விதை போட்ட

கானக மனிதர் யாராக இருக்க முடியும்

*****