ஒரு முடிச்சை அவிழ்க்க முனையும் போது

ஒரு முடிச்சை அவிழ்க்க முனையும் போது

பிரச்சனை ஒரு பிரச்சனை அவ்வளவே

தன்னுணர்வோடு தொடர்பு கொள்ளும் போது

பிரச்சனை ஒரு தலைவலியாகிறது

தீர்க்க முடியாதோ என நினைக்கும் போது

பிரச்சனை ஒரு வயிற்று வலியாகிறது

இதற்கு மேலும் தாங்க முடியாது எனும் போது

பிரச்சனை ஒரு பல் வலியாகிறது

பிரச்சனைகளை விவேகத்தோடு அணுகுகையில்

ஆணவத்தோடு தொடர்புறாமல் இருக்க வேண்டும்

பிரச்சனைகளைத் தீர்க்க முனைகையில்

அகம்பாவத்தாடு இணைவு கொள்ளாமல் இருக்க வேண்டும்

பிரச்சனைகளை முடித்து வைக்க நினைக்கையில்

நான் எனும் உணர்வு எழாதிருக்க வேண்டும்

பிரச்சனைகள் உணர்வுகளை உருவாக்குகின்றன

உணர்வுகளோடு பிரச்சனைகளைக் கையாளாதிருக்க வேண்டும்

பிரச்சனை ஒரு பிரச்சனை அவ்வளவே

அதனோடு நீங்கள் சம்பந்தப்படாத வரை

எந்தப் பிரச்சனையையும் உங்களால் தீர்க்க முடியும்

உங்கள் பிரச்சனையோடு உங்களுக்கு இருக்கும்

சம்பந்தத்தை வேரறுங்கள்

பிரச்சனையின் தீர்வை உடனடியாகக் காண்பீர்கள்

*****