கால திருஷ்டிகள்

கால திருஷ்டிகள்

உன் மீது சிறுநீர் கழிப்பேன்

சிறுநீர் மட்டுமா

மலமே கூட கழிப்பேன்

அதனாலென்ன

ஒரு பாத பூஜை செய்தால்

எல்லா பாவங்களும் கழுவப்பட்டு விடும்

 

சந்திராயன்

சிங்கிளா போகுது

அன்ரிசவர்ட் கம்பார்ட்மென்ட்

ஊரையே அள்ளிக் கொண்டு போகுது

 

விளையாடி விளையாடி

சம்பாதிக்கும் முதல் பத்து பணக்காரர்களில்

ஒரு மட்டைப்பந்தாட்டக்காரனும் இல்லை என்பது

அதெல்லாம் ஒரு விளையாட்டா என்று

கேள்வி கேட்பது போல இருக்கிறது

 

ஓடி என்ன பிரயோஜனம்

நின்று விட்ட கடிகாரமும்

ஒரு நாளில் இரண்டு முறை சரியான நேரம் காட்டுகிறது

 

இப்போதைக்கு இது போதும் என்று

நிறுத்திக் கொள்ளவா முடிகிறது

காலம் விதவிதமான கொடுமைகளைக் காட்ட

காத்துக் கொண்டிருக்கிறது

*****