நான் என்கிற ஒருவனும் நினைவு என்கிற நான்களும்

நான் எதையும் நினைத்துப் பார்ப்பதில்லை

கடந்து போய் விடுகிறேன்

நினைவுகள் அதுவாக வருகின்றன

அதுவாக மறந்து போகின்றன

சில நேரங்களில் சிரிக்கின்றன

சில நேரங்களில் அழுகின்றன

சில நேரங்களில் மௌனமாகின்றன

சில நினைவுகளுக்குச் சுவடுகள் இருக்கின்றன

சில நினைவுகள் தடமிழந்து போகின்றன

எந்த நினைவுகளுக்கு எது எப்படி என்று

அந்த நினைவுகளுக்கும் தெரியாது

எனக்கும் தெரியாது

ஏதோ இருந்து கொண்டிருக்கின்றன நினைவுகள்

எப்படியோ இருந்து கொண்டிருக்கிறேன் நானும்