எல்லாம் இருக்கும் உலகம்!

பெரிதாகயோசிக்க என்ன இருக்கிறது

உன் வாழ்வை நீ வாழப் போகிறாய்

என் வாழ்வை நான் வாழப் போகிறேன்

நீ சொல்வதைக் கேட்டு

என் வாழ்வை நான் எதற்கு வாழ வேண்டும்

நான் சொல்வதைக் கேட்டு

உன் வாழ்வை நீ எதற்கு வாழ வேண்டும்

உனக்குப் பிடிக்கவில்லையென்றால்

நான் விலகிக் கொள்ளப் போகிறேன்

எனக்குப் பிடிக்கவில்லையென்றாலும்

நானே விலகிக் கொள்ளப் போகிறேன்

இதற்கு மேல் பெரிதாக யோசிக்க

இந்த வாழ்க்கையில் என்ன இருக்கிறது

உன்னிடம் அணுக்கமாய் பேச நினைப்பதை

நீயில்லாமல் போனாலும்

உன்னைப் போலக் கேட்க

இன்னொருவர் இந்தப் பூமியில்

இல்லாமலா போய் விடப் போகிறார்        

இல்லாமல் போனாலும் என்ன

இப்படி எழுதித் தீர்த்துக் கொள்ள

ஒரு தாள் கூட இல்லாமலா போய் விடும்