சத்தங்கள் அடங்கும் பெருவெளி

சத்தங்கள் அடங்கும் பெருவெளி

இவ்வளவுதானா என்றார்கள்

இதற்குதானா என்றார்கள்

ஒன்றுமில்லையே என்றார்கள்

அடச் சீ இதற்குப் போயா என்றார்கள்

பதிலேதும் வராததைப் பார்த்து

அவ்வளவுதானா என்றார்கள்

அப்பால் அதற்கு மேல் என்றார்கள்

ஏதோ ஒன்று இருக்க வேண்டும் என்றார்கள்

நமக்கும் மேல் என்றார்கள்

இப்போதும் பதிலேதும் வராததைப் பார்த்து

கடவுளா

தெய்வமா

மகா மாயையா

சூன்யமா

பெரு வெளியோ

பெரு வெடிப்போ என்றார்கள்

ஆடி அடங்கினால்

போய் படுத்துக் கொள் என்றேன்

அதற்குப் பின் சத்தங்கள் ஏதும் வரவில்லை

*****