அது

அது

எதுவும் அவ்வளவு விரைவில் நடக்காது

உண்மை தன்னை விட்டு விடாது

அங்கீகாரம் முக்கியமாகாது

பாராட்டுகள் அவசியப்படாது

தண்டவாளத்துத் தொடர்வண்டியைப் போல

எத்தனை பெட்டிகளை இணைத்தாலும்

தொடர்ந்து கொண்டிருக்கும்

போலிகள் தடம் புரளும் தொடர்வண்டிகள்

உண்மையானது புலப்பட்டால்

மேடு பள்ளங்கள் இல்லை

சீறிப் பாயத் தயாராகி விடுகிறது காலம்

*

எதில் இருந்தது

எதிலிருந்த எதை இழந்தேன்

எதை எப்போது செய்தாலும்

அப்படித் தோன்றாதோ

களைப்பையோ சோர்வையோ தராதோ

அதுவே அது

ஏதோ லட்சியப்பட்டதாகவோ

கற்பனையானதாகவோ தோன்றும்

அது அப்படியில்லை ஆனால்

அப்படியொன்று இருக்கிறது

நிபந்தனை என்னவென்றால்

அது அப்படித்தான் இருக்க வேண்டும்

அப்படியே இருக்கவும் செய்கிறது

*****