இழந்த கனவுகள்

இழந்த கனவுகள்

நீங்கள் இருபத்து நான்கு மணி நேரமும் விழித்திருக்கலாம்

விளக்குகளை ஒளிர விடலாம்

அங்காடிகளைத் திறந்து வைக்கலாம்

வாடிக்கையாளர்களை உபசரிக்கலாம்

வாரத்தின் ஏழு நாட்களிலும்

உங்கள் சேவைகளைத் தொடர்ந்து கொண்டிருக்கலாம்

உங்கள் கல்லா பெட்டிகள் நிரம்பிக் கொண்டிருக்கலாம்

உங்கள் சொத்துகள் விரிவடைந்து கொண்டிருக்கலாம்

உங்கள் நாளுக்கு அது குறித்து என்ன

அது இருபத்து நான்கு மணி நேரத்திற்குள் சுருண்டு கொள்கிறது

உங்கள் வாரத்திற்கு அது குறித்து என்ன

அது ஏழு நாட்களுக்குள் சுருண்டு கொள்கிறது

உங்கள் மாதத்திற்கு அது குறித்த என்ன

அது முப்பதுக்குள்ளோ முப்பத்து ஒன்றுக்குள்ளோ சுருண்டு கொள்கிறது

உங்கள் ஆயுளுக்குத்தான் அது குறித்து என்ன

அது முப்பதுக்குள்ளே சுருண்டு கொள்ளலாம்

நாற்பது வரை கூட நீண்டு கொள்ளலாம்

உங்கள் உறங்காத இரவுகளைக் கணக்கில் சேர்த்தால்

நீங்கள் இழந்த அழகிய கனவுகள் இழந்ததுதான்

*****