இன்று வரை புரியாத ஒன்று

இன்று வரை புரியாத ஒன்று

அடிக்கடி கடையை இடமாற்ற வேண்டியிருக்கிறது

வாடகை தர முடியாமல்

இருக்கும் இடம் பிடிக்காமல்

வாடிக்கையாளர்களின் ஆலோசனையின் பேரில்

கூட்ட நெரிசலைக் கருத்தில் கொண்டு

வாஸ்து சரியில்லை என்று

இடமாற்றம் பலன் தரும் என்ற நம்பிக்கையில்

இப்படி கடையை மாற்ற

ஏதோ ஒரு காரணம் வந்து விடுகிறது

கடை மாற்றத்திற்குப் பின்

பழகிய பாதங்கள்

பழைய கடையில் போய் நின்று விடும் போது

இவ்விடம் இயங்கி வந்த கடை…

என்ற வாசகத்தை கண்கள் பார்ப்பது

வேண்டும் என்றா

வேண்டாம் என்றா என்பது மட்டும்

இன்று வரை புரிய மறுக்கின்றது

*****