மரம் சிரித்த பொழுது

மரம் சிரித்த பொழுது

பத்தாண்டுகள் நாயகனாக இருந்து

அடுத்த பத்தாண்டுகள் வில்லனாக இருந்தவனுக்கு

ஏனிந்தப் பெண் தன்னையே பார்க்கிறதென்ற பிரேமை

அது ஒரு பொம்மையெனத் தெளிவதற்கு நாட்களாயின

சாதனையைச் செய்வதை விட

எளிமையாக இருப்பது எவ்வளவு கடினம்

கெஞ்சிக் கிரங்கி விதியின் கரங்களில் இருந்த

வசனத் தாள்களை வாங்கி

விதவிதமானப் பயிற்சி செய்த பின்பு

வித்தியாசமாக நடிப்பது பாத்தியப்பட்டது

சோதனை என்று சொல்ல முடியுமா

அப்போது அப்படி இப்போது இப்படி

இடையில் அப்படிப் பாதி இப்படிப் பாதி

சில வருட இடைவெளியில்

புதிதாக மாறி வந்தவன் சொன்னான்

மரத்தை அவ்வபோது வளர்த்துக் கொண்டே வந்தேன்

மனிதர்கள் வளர்க்காத மரங்கள்

மனிதர்களின் பேச்சைக் கேட்கும் போது சிரித்துக் கொள்கின்றன

*****