உருமாற்றம்
இதை நிலைநிறுத்தினால்
அது சரியாகி விடலாம் என்று
தோன்றலாம்
அதை நிலைநிறுத்தினால்
இது சரியாகி விடலாம் என்று
தோன்றலாம்
எதை நிலைநிறுத்தும் போது
எது எப்படி மாறும் என்று
உனக்கு எனக்கு யாருக்குத்
தெரியும்
இதனால் இதுவோ
அதனால் அதுவோ
எதனால் எதுவோ
என்றெல்லாம் எதிலும் நிச்சயமற்றிருக்கலாம்
எது வேண்டுமானாலும்
எப்படி வேண்டுமானாலும் மாறலாம்
மாறிக் கொண்டிருக்கும் என்பதொன்று
மட்டும்
மாறாது இருக்கலாம்
மாறாது இருக்கும் அதுவும்
ஒரு நாள் மாறிப் போகலாம்
*****
No comments:
Post a Comment