அன்பே நீ
அன்புதான் நீ
நீதான் அன்பு என்கிறேன்
காதல் கவிதை என்கிறார்கள்
திருமூலர் சொன்னால்
திருமந்திரம் என்கிறார்கள்
அதனாலென்ன
அப்படியே இருந்து விட்டுப்
போகட்டும்
அதுவும் இதுவும்
*****
மிச்சமது போதுமெனக்கு
எல்லாரும் புகழ்ந்து விட்டுப்
போன பிறகு
உன் வசவுகள் கொஞ்சம் மிச்சமிருக்கிறது
அது போதும் எனக்கு
*****
படிப்போன் எனக் கேட்ட தாய்
பையன் எல்.கே.ஜி. படிக்கிறான்
தாயின் முகத்தில் பெருமிதம்
இன்னும் அவன்
யு.கே.ஜி.
1
2
3
4
5
… … …
பத்து
பதினொன்று
பனிரெண்டு
பட்டம் பல
படிக்க வேண்டும்
அதற்குள்
வடிந்து விடும்
பெருமிதம்
*****
No comments:
Post a Comment