சூட்சமங்களின் ரகசியங்கள்
எந்த மழை
எந்த வெள்ளத்தைக் கொண்டு
வருமோ
எந்தக் காற்று
புயல் காற்றாய் மாறுமோ
எந்த அதிர்வு
நில அதிர்வாய் ஆகுமோ
எந்தப் பொறி
காட்டுத்தீயாய்க் கனலுமோ
எந்த மின்னல்
பூமியில் இறங்குமோ
கணிப்பவர்கள் நிறைய பேர்
இருக்கிறார்கள்
ஜோதிடர்கள் கணக்கு எல்லையற்றது
அனுபவஸ்தர்கள் வாக்கு ஆயிரம்
வருவது போல
விலகிப் போனவை அநேகம்
எதேச்சையாய் வந்து விடும்
ஒன்றுக்காக
எல்லா கணக்கும்
எல்லா சூட்சமங்களும்
எல்லா சடங்குகளும்
எல்லா சம்பிரதாயங்களும்
எப்போதோ வரப் போகும் ஒன்றுக்காக
அல்லது
எப்போதுமே வரப் போகாத ஒன்றுக்காக
*****
No comments:
Post a Comment