காற்றில் உலவும் சங்கதிகள்

காற்றில் உலவும் சங்கதிகள்

நான் என்னதான் சொல்வது

எல்லாம் மறந்து போகிறது

சொல்ல வரும் வேளையில்

யாரும் இருப்பதில்லை

எல்லாரும் கூடி இருக்கும் வேளையில்

சொல்ல வருவதில்லை

எந்நேரமும் என்னுடன் இருந்தால்

சொல்ல வரும் நேரத்திலாவது சொல்லிவிடுவேன்

அதைவிட முக்கியமானது

கேட்க இருப்பவர்களுக்குப் பல இருக்கிறது

அவர்கள் போகிறார்கள்

அவர்கள் போன பின்னே

வார்த்தைகள் வரிசையாக வருகின்றன

அதனாலென்ன

பேசுவதையெல்லாம் அலைபேசியில் பதிவு செய்து

கேட்க முடியாதவர்களுக்காக வெளியிடுகிறேன்

அவர்கள் இப்போதும்

கேட்பதற்கு நேரமில்லை என்ற செய்தியை

எப்போதும் போல பின்னூட்டம் இடுகிறார்கள்

என்னதான் செய்தாலும்

என்னதான் வசதிகள் வந்தாலும்

கேட்பதற்கான கொடுப்பினை வருவதற்கும்

ஏதோ சில இருக்கத்தான் செய்கிறது

எப்போதாவது யாராவது வந்து கேட்கும் வரைக்கும்

காற்றில் உலவிக் கொண்டிருக்கட்டும்

கேட்பதற்கான கொடுப்பினை பெற்றவர்கள் வரும் வரைக்கும்

*****