அதது அப்படியப்படியே
நீ பிறப்பாய் சாவாய்
இருப்பாய் தொலைவாய்
உயிர்ப்பாய் மறைவாய்
விழிப்பாய் உறங்குவாய்
உண்பாய் பட்டினிக் கிடப்பாய்
அழுவாய் சிரிப்பாய்
அதனாலென்ன
சூரியனும் சந்திரனும்
பார்த்துக் கொண்டுதான் இருக்கும்
அவற்றுக்கென்ன
பார்த்துக் கொண்டுதான் இருக்கும்
பார்த்துப் பார்த்துச் சலிக்காமல்
பார்த்துக் கொண்டேயிருக்கிறதே
அதுதான் விசயம்
அது அற்றைத் திங்கள் அந்நிலவாவதும்
அற்றை நாள் அஞ்ஞாயிறாவதும்
உமக்கும் எமக்கும் நமக்கும்தான்
மற்றபடி என்ன
எப்போதும் அது நிலவுதான்
எப்போதும் அது ஞாயிறுதான்
போற்றினாலும் போற்றாவிட்டாலும்
பொங்கினாலும் பொங்கா விட்டாலும்
நிலவு நிலவுதான்
சூரியன் சூரியன்தான்
அதது அப்படித்தான்
*****
No comments:
Post a Comment